Monthly Archives: Januarie 2011

smullekker kalahari lamsblad


kyk as jy nie kalahari skaapvleis ken nie , dan kry ek jou jammer, want dan het jy nog nie skaapvleis geeet nie. ‘n kortkop agter is calvinia se hantam karoovleis en dan wil ek in dieselde asem praat van phillipolis se skaapvleis .

hier in die kaap koop ek gereeld vleis van die overberg by ‘n wonderlike slagter, maar die vleis is so maer en ons wat die kalahari in ons bloed het , se tong wil die bros uitgebakte vet proe as ons lam vuur of oond toe vat.

as kind het ons grootgeword op skaapvleis – die is steeds my nommer een keuse, maar ‘n skaap is deesdae so skaars soos die reent hier in die hoogsomer van die kaap.

ek maak lamblad as volg

vra jou slagter vir die vetste lamsblad – koop maar altwee – een gaan te min wees. hy moet lekker gehang het en mag nie uit ‘n supermark of ‘n vrieskas uitkom nie. veeg die lam droog en dan vrywe jy hom goed met genoeg gemaalde witpeper, ‘n duim fyn gekapte naeltjies, sommer baie koljandersaad wat jy in jou vysel fynkap en lekker seesout.

pak die vleis dan op jou rakkie, gooi ‘n half koppie water onder in die bak  en bak hom in die oond vir so 3 ure op 140C .

nooi mense vir ete of maak soos my slagter : hy eet die hele blad so op sy eie op – jy eet die met plaasbrood en botter en as jy soetlus het snipper perskekonfyt.


heerlike, sagte varkmagie met n bros tammeletjie vel


 

‘n ou laai van my is om vleis droog te bak op 140C. kan nie onthou wie my die geleer het nie, al wat ek weet is – dit werk – met droogbak bedoel ek, dat jy jou vleis op ‘n rakkie bak dws hy bak nie in sy eie vet nie – meer gesond en meer bros lekkergoed om te kou

vir een of ander rede was varkvleis altyd skaars toe ons kinders was, soms was daar varkboud en meerkere heerlike krummelvarktjops. vark is ook in wors en frikadelle gebruik, maar eers later van jare het vark begin gewild raak. vandag is dit amper stapelvleis , omdat dit billik is en jy ten minste verseker is jy eet ordentlike vleis. ek koop altyd myne by joostenberg annerkant stellenbosch.

varkmagie – sy ingels is pork belly – so maak mens

vir twee kilo vleis nodig jy omtrent 3 teelepels fynsout, vars witmaalpeper en soveel vinkelsaad soos jy kan invryf – dit is al – jy kan as jy grend voel ook dun gerasperde suurlemoenskil en droe salie bysit

sny die vetjie oorkruis so diep en veelkere soos jy kan, maak die vleis dan goed droog en dan vryf jy hom met die fynsout , veral tussen die kepe. laat staan die vleis vir ‘n halfuur. veeg al die water af  [ die sout trek vog uit die vel ]  van die vleis dws jy maak hom weer droog

vryf nou growwe seesout, wit maalpeper en vinkel in die vleis in – gooi ‘n koppie vars water onder in jou roosterbak , sit die vleis op die draadrakkie en vat hom oond toe – bak hom vir te minste 3 ure op 140C

ek bedien die vleis saam met heerlike fynaartappel en komkommer- en asynslaai

jy kan ‘n sousie maak van die pansappe, maar ek verkies die vleis soos hy is – sag, bros en heerlik

die is werklik besonders lekker – gou-gou sal al wat vriend is weer by jou aan’t huise kom vroetel-vra : wanneer bak jy dan weer ‘n ou varkmagie man

 

 

 


n bottel somer geelperskes


nou as jy van die vrugtejuwele praat – die tipe wat jy kan inle , dan praat jy sekerlik van ingelegte geelperskes, maar vir my klink dit te veel soos blik, daarom roep ek hom bottelperskes .

ek dink die inle woord kom van [ can fruit ] kenfruit – kyk as jy die in outyd op sondaemiddae  perskes vir poeding bedien het, met plaasroom of carnation se ‘ ideal milk” , was jy omtrent grend – onthou jy die koo blikke met die suikerstroop – die vrugte van pere, perskes, druiwe, pynappel en die suinige kersies wat jy heel laaste op jou tong gesit het – te bang om te kou – het die soet rooi op jou tong gesmelt

oral waar jy in die boland ry staat die venters en verkoop perskes.

my vriendin bokkie se dogter nicol wat in engeland bly , bel altyd hier in desember en se : ag mamma ek sou wat wou gee om net nou ‘n geelperske se reuk te asem en sy soet op my tong te proe

in die kaap roep die kaapse mense hom pe[r]-skis: en vra hulle vir die smouse : hei djy wa vikoep djy die pe-skis voer ? nei man is djy dan mal – issie hjirre se pe-skis, wat jy soe gaat staat en dier maak, kom-aan gie da ‘n bieter prys – en dan as die prys geskik is dan begin die groot inle van die perskeboom-se-geskenke

juffrou duckitt skryf hoe die kaapse kleurlingvroue met die ballasmandjies na jou agterdeur kom loop het, die perskes was uit die kolonies van transvaal en die noord se kaap. die prys was 1 sjieling en 6 pennies vir ‘n mandjie . die kleurvolle gesig van die meire en die onderhandeling oor die agterdeur moes ‘n mooie gesig wees

nou hoe maak jy suikerstroop-perskes

2.5 vars water

300 g suiker

20 mooi geelperskes

gooi die water en die suiker in ‘n groot kastrol, laat kook tot die suiker opgelos is . plaas nou die perskes in die stroop en kook vir 10 minute. haal uit die stroop. trek die skilletjies af . pak die perskes mooi dig ‘n jou gesteriliseerde bottels. gooi die warm stroop oor – dit moet die perskes bedek. vat nou ‘n lang sosatiestokkie en draai die perskes sodat al die lugblasies ontsnap. draai die deksels op – en bere vir winterpoeding of vir wanneer jy oorsese gaste kry

hildagonda duckitt se resep is anders

soek die mooi vrugte uit. skil dun af met ‘n messie, sny deur en haal die pit uit. week die vrugte in ‘n groot kom water waarin jy 2 lepels kalk of sout opgelos het. spoel die vrugte af onder skoon water. weeg die vrugte en vir elke 12 pond vrugte gebruik jy 10 pond suiker [ jy kan ligte geelsuiker gebruik as jy 'n mooi kleur wil he ] olie [ olyf]  of botter jou kastol liggies . plaas nou ‘n laag vrugte onder in die kastrol , dan ‘n laag suiker en so gaan jy aan – gooi bo-oor ‘n koppie water of 2 . sit die deksel op en kook tot die vrugte se stroop mooi dik en deurskynend is. skep die perskeskuim af soos jy die perskes kook – skud die kastrol om te keer dat die perskes brand – le in in jou skoonste bottels.

renate vertel hoe hulle perskes uit die boord gepluk het by haar ma se huis in potchefstroom. die is dan ingele of haar ma het droe perskes gemaak wat op die sifdraadstellasies uitgepak is. elke middag hier teen vyfuur het dit kom reent en dan het die hele gesin gehardloop om die perskes vinnig die ronddawel in te dra.

die dae van somer , son en geelperkes

anton goosen sing :

as die geelperskereën veertien dae in die boorde val
en dit reën bietjie bietjie, en dit reën bietjie bietjie
en dit reën in die wes transvaal
as die geelperskereën veertien dae in die boorde val
dan hoor jy hoe die railway perskes in die ketel val

o die vaalhaarnooi, die rietdakhuis, die perskebrandewyn
dis vaalblaar in die ketel by hartebeesfontein
die oompie kerf die pitte en hy sit die helm op
hy smeer hom toe en stook hom en hou die voorloop dop  ….


2010 in review


The stats helper monkeys at WordPress.com mulled over how this blog did in 2010, and here’s a high level summary of its overall blog health:

Healthy blog!

The Blog-Health-o-Meter™ reads Wow.

Crunchy numbers

Featured image

A Boeing 747-400 passenger jet can hold 416 passengers. This blog was viewed about 6,800 times in 2010. That’s about 16 full 747s.

In 2010, there were 109 new posts, not bad for the first year! There were 127 pictures uploaded, taking up a total of 184mb. That’s about 2 pictures per week.

The busiest day of the year was October 11th with 216 views. The most popular post that day was sondag lamsboud met braaiaartappels.

Where did they come from?

The top referring sites in 2010 were facebook.com, google.co.za, bottleplatepillow.com, af.wordpress.com, and twitter.com.

Some visitors came searching, mostly for soutenpeper, vrugte pons resepte, groen vye konfyt, sout en peper, and voorgeregte.

Attractions in 2010

These are the posts and pages that got the most views in 2010.

1

sondag lamsboud met braaiaartappels October 2010
17 comments

2

die storie van die skrywer September 2010
32 comments

3

towerbosch aardkombuis September 2010
6 comments

4

groenvye se konfyt October 2010
6 comments

5

vrugtepons October 2010
2 comments


Follow

Get every new post delivered to your Inbox.

Join 890 other followers