na aanleiding van erfenis 3 se gesprek oor erfeniskos se twee paaie in 1890 kry ek die resep in renata coetzee se spys en drank – die resep is opgeskryf deur mev duckitt vir die grend mense .

nou dink ek , een  of ander vrouegroep het seker die opgespoor en goed bespreek en dan op ‘n spesiale geleentheid voorgesit aan haar gaste, met vertoon dat die resep oorsprong het uit die constantia kant van die kolonie

1.5 kg skaaprib

1 ui

4 k water

60 g tamarind

2 eiers

6 naeltjies

sout

12 peperkorrels – gebreek

1 e bruinsuiker

1 k meel

sny die vleis in stukke, voeg die gekapte uie by , asook die water en prut vir een uur om ‘n vleisaftreksel te maak.

skep 1 koppie van die vleisaftreksel uit en gooi in ‘n kastrol. bewaar die res. meng nou by die 1 koppie aftreksel die tamarind en die ander speserye, sout, suiker en laat stadig prut. voeg nou nog twee koppies aftreksel by die tamarindmengsel en bring tot kookpunt – die is dan die sop

vir die souskluitjies meng 1 koppie vleisaftreksel met 120 g meel. roer 2 eiers in die mengsel  en vorm kluitjies die grote van okkerneute. een halfuur voor ete gooi jy die kluitjies in die sop, sit die deksel dig op, moet nie oopmaak nie, en stoom saggies gaar.

renata se die sop is voor die hoofmaal bedien en dat voordat tamarind bekend geword het is of vark of eend of hoenderbloed in plek van die tamarind gebruik. tamarind proe soos suurpruime en wat ek kan onthou maak hy die kleur van alles donker , dus die naam swart suursop. 

marina de lange skryf uit denver :

Toe ek nog piepklein was, het ek altyd uitgesien na Saterdag middae. Saterdagaand was sopaand – sop met vars groente uit Vorentoe se tuin. Pa het altyd Saterdae oa sopbene gekoop – daardie groot beesbene waarvan die kop so sponserig was e…n sulke lekker senings aan gehad het. Buksie, dit is nou my ma, het dan eers ‘n heerlike vleisaftreksel gekook en vroegoggend is sommer vier brode vir die spannetjie, wat toe reeds vyf sterk was, gebak. Ek het my dan langs pa op die lang bank langs die wit geskropte kombuistafel tuisgemaak vir die lekkerste middagete in die wêreld – vars gebakte brood, vleissous en daardie lekker murgbene. Vandag verwonder ek my nog steeds aan ouma Ellie wat sonder kla, ons al groter wordende gesin kon voed – en in daardie dae slegs met die minimum geriewe – swart dover stofie en geen yskas.
Jy laat my ver dink! Tot ons weer gesels.

ek het ‘n sopresep gaan soek uit die dae en dra dit op aan ouma ellie en al die ander oumas soos sy

bietjie oorskiet vleis

2 pond beesbene

2 rape

2 geelwortels

2 uie

1 kop seldery

1/2 k rys

sout en peper

1 gelling water

die resep se kook alles saam vir 4 ure lank, ek sou se sny die groente in stukke, bring die sop tot kookpunt en laat dan stadig prut vir 4 ure lank. ek onthou die soppe en ook die murgbene. as kinders was die vir ons koningkos saam met brood en plaasbotter .