Category Archives: spenskos

babylonstoren en sout


gisteraand was ek ‘n gas op ‘n soutenpeper plaas. ‘n plaas wat so elegant tog diskreet,  met soveel eenvoud en styl  bymekaar gesit is, dat ek telkens in gesprek oor my woorde gestruikel het.

‘n tien akker tuin is aangele in soveel visuele- en smaakstyl dat jy voel of jy die eregas is in die  kompanjiestuin van jan van riebeeck homself.

jy stap in perskespitpaadjies en waar jy kyk staan groente, mooi netjies in blokke geplant, met roosmaryn as heinings. sien spinasie, radyse, artistjokke, rape, groenertjies, eiervrug, knoffel, koejawels, kumkwarte, patats, pampoen, lemoenbome, vye, suurlemoen, lemmetjie, okkerneute, en die soetse grootste aarbeie onder teen die stroom.

lanings van rose, clivias, afrikaners en ‘n tuin vol kruie en geurmalvas

en die kos

jy eet die kos van die tuin, hope jong beet aan hul stingels, patats gebak in die skil met botter, gebraaide eiervrug, growwe koolblare gevul met rys en vleis, filet van bees gegeur met sout en peper, soetbitter sjokolade truffels, koejawels op sosatiesstokkies, gekerfte plaasbiltong, dun repe ham onder heel hamme wat hang uit die dak, ‘n legio van buite-oond-bak-brood, kumkwarte in suikerstroop, tuisgemaakte plaaskase – ‘n oesfees van kos

by die groente was bakke vars knoffelmayonaise, geroosterde sesamesaad, geroosterde , brazil en okkerneute en bakke met gegeurde sout

die restaurant se naam is babel en jy kan aansit vanaf 15 november , by ‘n eenvoudtafel van aardkos uit die grond van babylonstoren 021 863 1804 – elmien

met die proe vat die geursoute en ter ere aan die eienaars van die plaas – plaas ek vandag sout van die aarde resepte

ons vergeet soveel keer dat ons, ons daaglikse sout met ‘n bietjie kombuistower in ‘n soutsmaak sensasie kan stuur wat elke koop-winkelrak-sout laf sal laat proe

roosmarynsout

1/2 k growwe seesout of maldon

2 t vars roosmaryn

gooi die roosmarynblare in jou vysel, maak fyn met jou stamper, gooi die sout by en roer goed deur, los op ‘n warm plek tot die sout al die vog van die roosmaryn gedrink het. bere in ‘n skroeftopbottel, gooi oor sontamaties, sag gekookte eiers, braaihoender en roosterbrood

suurlemoen- en of lemoensout

1/2 k seesout of maldon – beste

2 e fyn gerasperde groen gedeelte van lemmetjies en of lemoen

meng al die bestandele saam , laat staan ‘n ‘n warm plek vir 30 minute. gooi in skroefbottel. gooi op vars geroosterde vis, of op gebakte of gekookte aartappels en als anders wat jou tong begeer

laventelsout

1/2 k growwe seesout of maldon

3 e gedroogte laventel

breek die laventel in stukkie met jou vysel, meng met die sout  en vryf beesvleis, hoender en groente met die laventelsout voor jy dit rooster

sout en peper

gooi peperkorrels : wit, swart en gekleurdes in ‘n baie warm pan, rooster om die geur te ontwikkel , roer die heel tyd. gooi in vysel en stamp fyn , meng met jou vloksout – geniet

 

 


skoonma se outydse mosterd


kyk daar is min goed so lekker as mosterd saam met vleis , veral as dit vark en skaapvleis is.

die oumense het alles effe soet gemaak, ek weet nie of dit ‘n suid afrikaanse gewoonte is nie, maar ewenwel dit is en bly ‘n lekker gewoonte

hier volg ‘n outydse mosterd resep. in plaas van dat jy nou ten duurste mosterd uit ‘n bottel in ‘n winkel gaan koop – kan jy jou eie maak en sommer die ou dae ook verlang

8 t mosterdpoeier

4 e druifasyn

16 t suiker

4 e kookwater

4 groot eiergele – ordentlik geklits

klits alles goedsaam. gooi in dubbelkastrol. roer aanhoudend tot die mosterd dik en gaar is. haal van die stoof  en roer 1 e koue botter by.

plaas in ‘n mooi skoonglasbottel en bere in die yskas. geniet saam met vleis op jou daaglikse brood.

onthou jy growwe bruinbrood, met plaasbotter, skywe koue boudvleis, tamatie, uie en dan bo-op  sout, witpeper en sommer ‘n ordentlik veeg mosterd ?


outydse aanmaak mosterd


8 t droe mosterdpoeier

4 e asyn

16 t suiker

4 e kookwater

4 groot eiergele – goed geklits

klits alles goed saam, gooi in dubbelkastrol

roer aanhoudend tot dik en gaar

haal van die stoof en roer 2 e room of 1 e botter by

heerlik met kouevleis veral krismisvark


outydse sousboontjies


1 koppie suikerbone

1 e asyn

2 e botter

2 e suiker

1 t sout

1/2 t witpeper

was die bone en laat staan oornag in water. dreineer en kook in vars water tot amper sag, voeg dan die res van die bestandele by. laat die bone saggies prut terwyl jy kort kort roer

ek onthou die by vleis soos skaapboud en gebraaide tjops


westley se groenbone


maak groenbone skoon, sny is stukkies

- meet af so 1 kg

voeg by 500g gekapte uie en 500g aartappelblokkies – kook op die stoof in swartpot saam met bietjie water , witpeper en sout

as groente gaar is geur met knippie neutmuskaat , vars suurlemoensap en botter

jy kan ook n stuk skaaprib saamkook

heerlikste saam met vleissous


Follow

Get every new post delivered to your Inbox.

Join 877 other followers